بسم الله الرحمن الرحيم
السلام عليكم ...
هذي القصيده لكل عنزي ...مع احترامي لجميع القبائل ...
جملينا يالقوافي واستري وجـه القصيـد
حملك اثقل من هضاب المملكة وجبالهـا
هاتي البيت السمين وهاتي المعنى الفريـد
شاعرك ما كل كلمة تعترض لـه قالهـا
الشعر به نستفيد وفيه شـي ٍ مـا يفيـد
وكم صبي ٍ لاعقـد يبلـش بحـل حبالهـا
من تصيد كلمته واحكم نظرها مـن بعيـد
صادها واليا ارتكى لحمول متنـه شالهـا
ومن تأنى بالمعانـي واتبـع راي ٍ سديـد
ما جهل واليا جهل يلقـى بهـا جهالهـا
الحروف اخطر من سيوف المعاني لو تحيد
عن دروب الحق والعقبى مهـي عقبالهـا
وكل بيت ٍ ما غدى للبيت الآخر كالعضيـد
فالسكوت عن الحروف من القصيد اشوالها
استفيضي يا مشاعر وانشدي بأحلى النشيد
وابدعي بالابـة اللـي تفتخـر برجالهـا
لابتي هم عزوتي هم محزمي واغلا رصيد
لابـة ٍ بيـن القبايـل عالـي ٍ منزالهـا
من نصاها في ذراها عاش بالعيش الرغيد
لا نشدته قـال (وايـل طيـب الله فالهـا)
انتخو له واكرمو له والكرم له في مزيـد
جلسـوه وحسسـوه بقدرهـا وجلالهـا
لابة ٍ يفخر بها التاريـخ والعالـم يشيـد
والسوالف ما نخوض بقصرهـا وطوالهـا
وكل يوم ٍ تجتمع به لابتي هو يـوم عيـد
والتكاتف من قديـم الوقـت هـذا حالهـا
يا سلام الله عليكم عد مـا طـاف العبيـد
بالحرم واعداد ما ينشي صـدوق خيالهـا
وعد ما طاح المطر والعشب ينبت من جديد
وعد ما غير شعيب ٍ سال لـون رمالهـا
يا الرجال اللي لها عز ٍ ومجد ٍ مـا يبيـد
وارثيـن العـز حتـى سلمـوه عيالهـا
كل ما يولد وليد وقيـل بأنـه جـا وليـدالوليد
اليا انولـد جـا يتصـف بخصالهـا
وايلي ٍ وارث ٍ من لابتـه عـزم ٍ شديـد
يتبع اقـوال الرجـال وفعلهـا وامثالهـا
ما تسيده الظروف القاسية ويعيـش سيـد
شامخ ٍ راسي ولو تصعب عليه احوالهـا
كن في رجله عن دروب الخزى والعيب قيد
ما مشـى للناقصـة ولا دخـل دخالهـا
عفة النفس . الكرامة .وقفت الرجل العنيد
قوم .تملي قولها بالحق مـا يمـلا لهـا
لابتي هم عزوتي هم محزمي واغلى رصيد
لابـة ٍ بيـن القبايـل عالـي ٍ منزالهـا
موضوع: هذي قصيده لكل عنزي ..؟؟ 